ಪೇಫೋನು ಬೂತ್ ವೈ-ಫೈ ಹಾಟ್‌‍ಸ್ಪಾಟು

ಹಿಂದೆಲ್ಲಾ ಎಸ್‌ಟಿಡಿ ಅಥವಾ ಐಎಸ್‌ಟಿಡಿ ಕರೆಗಳನ್ನು ಮಾಡಲು, ರಸ್ತೆ ಬದಿಯ ಫೋನ್ ಬೂತುಗಳನ್ನು ಅವಲಂಬಿಸುವವರ ಸಂಖ್ಯೆ ಹೆಚ್ಚಿತ್ತು. ಮೊಬೈಲ್ ಕರೆಗಳು ಜನಪ್ರಿಯವಾದ ನಂತರ ಅವುಗಳತ್ತ ಹಾಯುವವರ ಸಂಖ್ಯೆ ಇಳಿಯುತ್ತಾ ಬಂತು. ಈಗ ಅಂತಹ ಫೋನು ಬೂತುಗಳು,ನಾಣ್ಯ ಬಳಸಿ ಫೋನು ಮಾಡುವವರೇ ಇಲ್ಲವೆನ್ನಬೇಕು. ನ್ಯೂಯಾರ್ಕ್ ನಗರದಲ್ಲಿಯೂ ಪೇಫೋನು ಬೂತುಗಳು ಹನ್ನೆರಡು ಸಾವಿರದಷ್ಟಿವೆ. ಒಂದು ಕಾಲದಲ್ಲಿ ಇಲ್ಲಿನ ಸುಮಾರು ಎಂಟು ದಶಲಕ್ಷದಷ್ಟು ಜನಸಂಖ್ಯೆಗೆ ಇವು ಸಂಪರ್ಕ ಕೊಂಡಿಯಾಗಿದ್ದುವು. ಈಗ ಅವು ಮೂಲೆಗುಂಪಾಗಿವೆ. ಅವುಗಳನ್ನು ಉಚಿತ ವೈ-ಫೈ ಬಿಂದುಗಳಾಗಿಸಿ, ಅವುಗಳ ಮುನ್ನೂರು ಅಡಿ ಪರಿಧಿಯಲ್ಲಿ ಇಂಟರ್ನೆಟ್ ಜಾಲಾಟಕ್ಕೆ ಸಾಧ್ಯವಾಗಿಸುವ ಮೂಲಕ, ಹಳೆಯ ಬೂತುಗಳು ಮತ್ತೆ ಬಳಕೆಗೆ ಬರುವಂತೆ ಮಾಡುವ ಪ್ರಸ್ತಾಪ ಇದೆ. ಪ್ರಾಯೋಗಿಕವಾಗಿ, ಸುಮಾರು ಇಪ್ಪತ್ತು ಪೇಪೋನು ಬೂತುಗಳೀಗ ವೈ-ಫೈ ಹಾಟ್‌‍ಸ್ಪಾಟುಗಳಾಗಿವೆ. ಜನರೀಗ ಅವುಗಳ  ಸುತ್ತ, ತಮ್ಮ ಸಾಧನಗಳಲ್ಲಿ ಇಂಟರ್ನೆಟ್ ಸಂಪರ್ಕವನ್ನು ಪಡೆಯಲು ಬಳಸುವ ಮೂಲಕ ಪೇಪೋನು ಬೂತುಗಳು ಮತ್ತೆ ಜನಸಂದಣಿಯನ್ನಾಕರ್ಷಿಸುತ್ತಿವೆ. ಹೆಚ್ಚಿನ ನೋಟಕ್ಕೆ :  http://goo.gl/1NpW8