ಪೇಪರ್ ಫೋನ್

ಅರಿಜೋನಾ ವಿಶ್ವವಿದ್ಯಾಲಯ ಸಂಶೋಧಕರು ಹಗುರವಾದ,ಬಾಗುವ,ಮತ್ತು ಬಹಳ ದೃಡವಾದ ವಸ್ತುವನ್ನು ಬಳಸಿ ಸೆಲ್‌ಪೋನ್ ತಯಾರಿಸಿದ್ದಾರೆ.ಹಾಗಾಗಿ ಇದು ಸಾಮಾನ್ಯ ಫೋನುಗಳ ಆರನೇ ಒಂದು ಭಾಗದಷ್ಟು ತೂಗುತ್ತದೆ. ಕ್ರೆಡಿಟ್‌ಕಾರ್ಡಿನಷ್ಟು ಹಗುರ,ಆದರೆ ಅದಕ್ಕಿಂತಲೂ ಹೆಚ್ಚು ಬಾಗಿಸಲಾಗುವ ವಸ್ತುವಿನಿಂದ ಇದನ್ನು ತಯಾರಿಸಲಾಗಿದೆ.ಇದು ಪರಿಸರಕ್ಕೂ ಹೆಚ್ಚು ಪ್ರಿಯವಾಗಬಲ್ಲುವಂತಹ ವಸ್ತು.ಇದರ ಇನ್ನೊಂದು ಅನುಕೂಲವೆಂದರೆ,ಸ್ಪರ್ಶಸಂವೇದಿ ಆಗುವ ಜತೆಗೆ, ಬಾಗಿಸಿಯೂ, ಇದಕ್ಕೆ ಆದೇಶಗಳನ್ನು ನೀಡಲು ಸಾಧ್ಯ.ಒಂದು ಕಡೆ ಬಾಗಿಸಿದರೆ, ಅಪ್ಲಿಕೇಶನುಗಳನ್ನು ಚಾಲೂ ಮಾಡಬಹುದಾದರೆ,ಇನ್ನೊಂದೆಡೆ ಬಾಗಿಸಿ, ಬೇರೇನೋ ಆದೇಶ ನೀಡಲು ಸಾಧ್ಯವಾಗಲಿದೆ. ಇನ್ನೊಂದು ಹತ್ತು ವರ್ಷದಲ್ಲಾದರೂ, ಈ ತಂತ್ರಜ್ಞಾನ ವಾಣಿಜ್ಯ ತಯಾರಿಕೆಗೆ ಸಿದ್ಧವಾಗಬಹುದು ಎಂದು ನಿರೀಕ್ಷಿಸಿದರೆ, ಅದು ತಪ್ಪಲ್ಲ.