ಪದ ರಕ್ಷಣೆಗೆ ದೀಕ್ಷೆ

 

ಹೊಸ ಪದಗಳು ಚಾಲ್ತಿಗೆ ಬರುವುದು ಹಳೇ ಪದಗಳು ನಾಪತ್ತೆಯಾಗುವುದು ಭಾಷೆಯೊಂದರಲ್ಲಿ ಸಾಮನ್ಯ. ಹೊಸ ಪದಗಳು ಪ್ಯಾಷನಬಲ್ ಆಗಿರುತ್ತವೆ. ಬಬ್ಲಿಯಾಗಿರುತ್ತವೆ. ಅವುಗಳ ಬಳಕೆಯಿಂದ ನಮ್ಮನ್ನು ನಾವು ಹೊಸದಾಗಿ ಪ್ರಸೆಂಟ್ ಮಾಡಿಕೊಳ್ಳಬಹುದು ಎಂಬುದು ಎಲ್ಲಾ ಸಂದರ್ಭಗಳಲ್ಲೂ ನಿಜವಾಗಿರುವುದಿಲ್ಲ. ಹಳೇ ಪದಗಳು ಕೂಡ ಆಕರ್ಷಕವಾಗಿರುತ್ತವೆ. ನೀವು ಮುಳೀಯ ತಿಮ್ಮಪ್ಪಯ್ಯ, ಗೋವಿಂದ ಪೈ, ಸೇಡಿಯಾಪು ಕೃಷ್ಣಭಟ್, ಗೋರೂರು,ಡಿ.ಎಲ್.ಎನ್. ಕೆ.ವಿ.ಸುಬ್ಬಣ್ಣ, ನವರತ್ನ ರಾಮಾರಾವ್ ಮುಂತಾದ ಹಳೇಯ ತಲೆಮಾರಿನಲೇಕಕರ ಭಾಷೆಯನ್ನು ಗಮನಿಸಿದರೆ ಅದರಲ್ಲಿ ತಾಜಾತನ ಮತ್ತು ಚೆಲುವು ಕಾಣಿಸುತ್ತದೆ. 

ಒಂದು ಕಾಲದಲ್ಲಿ "ಅರ್ಥಪೂರ್ಣ"ವಾಗಿ ಬದುಕಿದ್ದ ಪದಗಳು ಅನಂತರ ಯಾರೂ ಬಳಸದೆ ಮೂಲೆಗೆ ಬಿದ್ದಿರುವುದಕ್ಕೆ ಮತ್ತೆ ಚಾಲನೆ ಕೊಡುವ ಕೆಲಸವನ್ನು ಆಕ್ಸ್ ಪರ್ಡ್ ವಿವಿ ಪ್ರಸ್ ಮಾಡುತ್ತಿದೆ. ಇದಕ್ಕಾಗಿ ಅದು http://www.savethewords.org/ ಆರಂಭಿಸಿದೆ.

http://www.savethewords.org/ ಎಂದು ಗಣಕದಲ್ಲಿ ನಮೊದಿಸಿದ ಕೂಡಲೇ ನೀವು ಈ ಭಾಷಾ ತಾಣಕ್ಕೆ ಪಯಣಿಸುತ್ತೀರಿ. ಅಲ್ಲಿ ಅಪರೂಪದ ಪದಗಳ 'ಅಂಗಡಿ' ತೆರೆದುಕೊಳ್ಳುತ್ತವೆ. ಪದವನ್ನು ಆಯ್ಕೆ ಮಾಡಿಕೊಂಡ ಮೇಲೆ ಅದನ್ನು ನಿತ್ಯದ ಮಾತುಕತೆಯಲ್ಲಿ ಬಳಸುವ 'ಪದದೀಕ್ಷೆ' ಪಡೆಯುತ್ತೀರಿ. ಈ ವೆಬ್ ತಾಣ ನಿಮಗೆ ಟಿಪ್ಸ್ ಕೊಡುತ್ತಾ ಹೋಗುತ್ತದೆ. ನಿಮ್ಮ ಪದ ಸಂಪತ್ತನ್ನು ಹೆಚ್ಚಿಸುತ್ತದೆ. '"You look quite crassulent in that dress" ಎನ್ನುತ್ತೀರಿ. crassulent ಅನ್ನೋದು ಈ ಜಾಲ ತಾಣ ಹೇಳೀಕೊಟ್ಟಿರುವ ಹೊಸ ಪದ. ಇದರ ಅರ್ಥ overweight. ಬಳಸಿದ ಕೂಡಲೇ ಬಿದ್ದುಕೊಂಡಿದ್ದ ಪದಕ್ಕೆ ಜೀವಸಂಚಾರವಾಗುತ್ತದೆ. ಅನಂತರ ಅದರ ಓಡಾಟವನ್ನು ತಡೆಯುವವರಿರುವುದಿಲ್ಲ. ಇದುವರೆಗೆ ಒಂದುವರೆ ಲಕ್ಷಕ್ಕೂ ಹೆಚ್ಚು ಮಂದಿ ಹಳೇ ಪದಗಳನ್ನು ಬಳಸುವುದಕ್ಕೆ ವಚನಬದ್ದರಾಗಿದ್ದಾರೆ. ಹಳೇ ಶಬ್ದಗಳ ರೆಕಾರ್ಡಿಂಗ್, ಸಂಶೋದನೆ, ವಿಶ್ಲೇಷಣೆ ಹಾಗೂ ಇವತ್ತಿನ ಬಳಕೆಗೆ ಅನುವು ಮಾಡಿಕೊಡುವ ಕೆಲಸವನ್ನು ಈ ಜಾಲತಾಣ ಮಾಡುತ್ತಿದೆ.