ಮತದಾರರ ಪಟ್ಟಿಯಲ್ಲಿ ಹೆಸರು ಸೇರಿಸಿ

CHIEF ELECTORAL OFFICER, KARNATAKA

ಕರ್ನಾಟಕ ಚುನಾವಣಾ ಆಯೋಗದ ಮತದಾರರ ಪಟ್ಟಿಯಲ್ಲಿ ಹೆಸರು ಸೇರಿಸಬೇಕಾಗಿದ್ದರೆ. ಅದಕ್ಕಾಗಿ  ಜಾಲತಾಣ.

  voterreg.kar.nic.in

ವಿದ್ಯುನ್ಮಾನ ನಕ್ಷೆ ತಯಾರಿಸಿ

ವಿದ್ಯುನ್ಮಾನ (ಇಲೆಕ್ಟ್ರಾನಿಕ್) ಸಲಕರಣೆಗಳನ್ನು ತಯಾರಿಸುವಲ್ಲಿ ಅವುಗಳ ವಿನ್ಯಾಸ ನಕ್ಷೆ ಪ್ರಮುಖ ಪಾತ್ರ ವಹಿಸುತ್ತದೆ. ಯಾವುದೇ ವಿದ್ಯುನ್ಮಾನ ಯಂತ್ರದ ಒಳಗೆ ಪ್ರಿಂಟೆಡ್ ಸರ್ಕ್ಯುಟ್ ಬೋರ್ಡ್ ಇರುವುದನ್ನು ಗಮನಿಸಿರಬಹುದು. ಇವುಗಳನ್ನು ತಯಾರಿಸಲು ಅವುಗಳ ವಿನ್ಯಾಸ ನಕ್ಷೆ (ಸರ್ಕ್ಯುಟ್ ಡಯಾಗ್ರಾಮ್) ಬೇಕಾಗುತ್ತದೆ. ಈ ನಕ್ಷೆಯಲ್ಲಿ ಆ ಸಲಕರಣೆಯಲ್ಲಿ ಬಳಸುವ ಎಲ್ಲ ವಿದ್ಯುನ್ಮಾನ ಅಂಗಗಳ ನಕ್ಷೆ ಮತ್ತು ಅವುಗಳನ್ನು ಜೋಡಿಸುವ ರೇಖೆಗಳಿರುತ್ತವೆ. ಉದಾಹರಣೆಗೆ ಟ್ರಾನ್‌ಸಿಸ್ಟರ್, ಡಯೋಡ್, ಕೆಪಾಸಿಟರ್, ಇತ್ಯಾದಿ. ಈ ವಿನ್ಯಾಸ ನಕ್ಷೆ ತಯಾರಿಸುವುದು ಪರಿಣತರಿಂದ ಮಾತ್ರ ಸಾಧ್ಯ. ನೀವು ಇಲೆಕ್ಟ್ರಾನಿಕ್ಸ್ ಇಂಜಿನಿಯರ್ ಆಗಿದ್ದಲ್ಲಿ ನಿಮಗೆ ಈ ನಕ್ಷೆ ತಯಾರಿಸುವುದು ದಿನನಿತ್ಯದ ಕೆಲಸವಾಗಿರುತ್ತದೆ. ಇಂತಹ ನಕ್ಷೆಗಳನ್ನು ಗಣಕ ಬಳಸಿ ತಯಾರಿಸಲು ಹಲವು ದುಬಾರಿ ತಂತ್ರಾಂಶಗಳು ಲಭ್ಯವಿವೆ. ಅಂತೆಯೇ ಒಂದು ಸರಳ ಉಚಿತ ತಂತ್ರಾಂಶವೂ ಲಭ್ಯವಿದೆ. ಅದು ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣ - www.circuit-diagram.org.

ಶೌಚಾಲಯ ಹಂಚಿಕೊಳ್ಳಲು ತಂತ್ರಾಂಶ

 

ಯಾವುದೋ ಒಂದು ನಗರದ ಮಧ್ಯದಲ್ಲಿದ್ದೀರಿ. ಬಾತ್‌ರೂಮ್ ಬಳಸಬೇಕಾಗಿದೆ. ಸ್ವಚ್ಛ ಟಾಯ್‌ಲೆಟ್ ಬೇಕಾಗಿದೆ. ಏನು ಮಾಡುವುದು? ಸುಲಭ್ ಇದೆಯಲ್ಲ ಎನ್ನುತೀರಾ? ಆದರೆ ಸುಲಭ್ ಸ್ವಚ್ಛ ಇರುತ್ತದೆ ಎಂದು ಏನು ಗ್ಯಾರಂಟಿ? ಇಷ್ಟಕ್ಕೂ ಸುಲಭ್ ಇರುವುದು ಭಾರತದಲ್ಲಿ ಮಾತ್ರ. ಅಮೆರಿಕದಲ್ಲಿ? ಹೀಗೆ ಮಾಡಿದರೆ ಹೇಗೆ? ನಿಮ್ಮ ಮನೆಯಲ್ಲಿರುವ ಬಾತ್‌ರೂಮನ್ನೇ ಸ್ವಲ್ಪ ಶುಲ್ಕಕ್ಕೆ ಬಾಡಿಗೆಗೆ ನೀಡಿದರೆ ಹೇಗೆ? ಹೌದು. ಅಂತಹ ಒಂದು ತಂತ್ರಾಂಶ ತಯಾರಾಗಿದೆ. ತಮ್ಮ ಮನೆಯ ಬಾತ್‌ರೂಮನ್ನು ಬಾಡಿಗೆಗೆ ನೀಡಲು ಸಿದ್ಧರಿರುವವರು ಈ ತಂತ್ರಾಂಶ ಮೂಲಕ ನೋಂದಣಿ ಮಾಡಿಕೊಳ್ಳಬೇಕು. ಬಾತ್‌ರೂಮ್ ಅಗತ್ಯ ಇರುವವರು ತಮ್ಮ ಸ್ಮಾರ್ಟ್‌ಫೋನ್‌ನಲ್ಲಿರುವ ಇದೇ ತಂತ್ರಾಂಶ ಮೂಲಕ ತಾವಿರುವ ಸ್ಥಳಕ್ಕೆ ಹತ್ತಿರದಲ್ಲಿರುವ ಶೌಚಾಲಯ ಯಜಮಾನರನ್ನು ಸಂಪರ್ಕಿಸಿ ಅವರು ಒಪ್ಪಿದರೆ ಹಣ ನೀಡಿ ಬಾತ್‌ರೂಮ್ ಬಳಸಬಹುದು! ಈ ತಂತ್ರಾಂಶದ ಜಾಲತಾಣ - cloo-app.com.