ಜಾಗತಿಕ ತಾಪ ಈಗಾಗಲೇ ನಮ್ಮ ಸುತ್ತಣ ಜಗತ್ತನ್ನು
ಬದಲಾಯಿಸುತ್ತಿದೆ. ಈ ಬದಲಾವಣೆಯನ್ನು ಸಂಶೋಧಕರು ಅಳೆದು ಇಂತಿಷ್ಟು ಎಂದು
ತೋರಿಸಿಕೊಡಬಲ್ಲರು. ಮುಂದಿನ ದಶಕಗಳಲ್ಲಿ ಇಂಥ ಬದಲಾವಣೆಗಳು ಇನ್ನೂ ಹೆಚ್ಚು ಹೆಚ್ಚು
ಸ್ಪಷ್ಟವಾಗುತ್ತ ಹೋಗುತ್ತವೆ. ನಿಜ, ಭವಿಷ್ಯದಲ್ಲಿ ಹವಾಗುಣ ಬದಲಾವಣೆಯನ್ನು ತಗ್ಗಿಸಲು
ಹಸುರುಮನೆ ಅನಿಲದ ಉತ್ಸರ್ಜನೆಯ ಪ್ರಮಾಣವನ್ನು ತಗ್ಗಿಸುವುದೇ ಆದ್ಯ ಆಯ್ಕೆಯಾಗಬೇಕಾಗಿದೆ.
ಆದರೆ ಹಿಂದೆ ವಿಸರ್ಜಿಸಿದ ಅನಿಲಗಳು ಈಗ ಅನಿವಾರ್ಯ ಸಮಸ್ಯೆಯನ್ನು ಸೃಷ್ಟಿಸಿರುವುದರಿಂದ
ಯಾವ ಬಗೆಯ ದುಷ್ಪರಿಣಾಮ ತರಬಹುದೆಂಬುದಕ್ಕೆ ಸೂಕ್ತ ಉತ್ತರವನ್ನು ಕಂಡುಕೊಳ್ಳಬೇಕಾಗಿದೆ.
ಜಗತ್ತಿನ ಎಲ್ಲ ಪ್ರಜೆಗಳಿಗೂ ಹವಾಗುಣ ಬದಲಾವಣೆ ಅವರ ಮೇಲೆ ಯಾವ ಪರಿಣಾಮ ಬೀರಿಬಹುದು,
ಅದನ್ನು ನಿಭಾಯಿಸುವುದು ಹೇಗೆ ಎಂಬ ಅರಿವು ಮೂಡಬೇಕು. ಈ ನಿಟ್ಟಿನಲ್ಲಿ ಅಂತರ್ಜಾಲದ
ತಾಣ ಒಂದು ಸಣ್ಣ ಪ್ರಯತ್ನ.
No comments:
Post a Comment