ಸದ್ಯದಲ್ಲೇ ನಿವೆಷ್ಟು ವರ್ಷಗಳ ಕಾಲ ಬದುಕ ಬಲ್ಲಿರಿ ಎಂಬ ಸತ್ಯ ತಿಳಿದುಕೊಳ್ಳುವ ಅವಕಾಶ ಲಭಿಸಲಿದೆ. ಹೌದು ವಿಜ್ಞಾನಿಗಳು ಈ ನಿಟ್ಟಿ ಪ್ರಯೋಗ ನಡೆಸುತ್ತಿದ್ದು ಅದು ಫಲ ನೀಡುವ ಹಂತದಲ್ಲಿದೆ. ಒಂದು ವೇಳೆ ಇದು ಯಶಸ್ವಿಯಾದಲ್ಲಿ ಕೇವಲ ರಕ್ತ ಪರೀಕ್ಷೆಯಿಂದಲೇ ಮನುಷ್ಯ ತನ್ನ ಆಯಸ್ಸನ್ನು ಅರಿತುಕೊಳ್ಳಬಹುದು.
ಈ ಪ್ರಯೋಗ ಯಶಸ್ವಿಯಾದರೆ ವಿಮಾ ಕಂಪನಿಗಳಿಗೆ ಅದು ಮರಣ ಶಾಸನವೇ ಸರಿ. ಏಕೆಂದರೆ ಜೀವಿತಾವಧಿ ತನಕ ಮೆಡಿಕಲ್ ಕವ್ರೇಜ್ ಮಾಡುತ್ತೇವೆ ಎಂದು ಪುಸಲಾಯಿಸಿ ಪ್ರೀಮಿಯಂಗಳನ್ನು ಕಂತುಗಳಲ್ಲಿ ಈ ಕಂಪನಿಗಳು ಜನರಿಂದ ಹಣ ವಸೂಲಿಮಾಡುತ್ತಿವೆ. ಒಂದು ವೇಳೆ ರಕ್ತಪರೀಕ್ಷೆಯಿಂದ ಜೀವಿತಾವಧಿ ತಿಳಿದುಬಿಟ್ಟರೆ ಜೀವವಿಮಾ ಪಾಲಿಸಿ ಯಾರು ಮಾಡಿಸುತ್ತಾರೆ..? . ಇಂಥ ಪರೀಕ್ಷೆ ಮುಂದಿನ ವರ್ಷ ಬ್ರಿಟನ್ ನಲ್ಲಿ ನಾಗರಿಕರ ಉಪಯೋಗಕ್ಕೆ ಲಭ್ಯವಾಗಲಿದೆ ಎನ್ನಲಾಗಿದೆ. ಈ ಪರೀಕ್ಷೆಯಲ್ಲಿ ಮಾನವನ ಕ್ರೋಮೋಸೋಮ್ ನಲ್ಲಿನ ` ಟೀಲೋಮೋರ್ಸ್ ‘ ಅಭ್ಯಾಸದ ಆಧಾರದ ಮೇಲೆ ಎಷ್ಟು ವಯಸ್ಸಾಗುತ್ತಿದೆ, ಇನ್ನೆಷ್ಟು ವರ್ಷ ಜೀವಿಸಬಹುದು ಎಂಬುದನ್ನು ಕರಾರುವಕ್ಕಾಗಿ ಊಹಿಸಬಹುದಾಗಿದೆ. ಅಂದ್ರೆ ವ್ಯಕ್ತಿಯ `ಬಯಲಾಜಿಕಲ್ ಏಜ್’ ಬಯಲಾಗುವುದು.
