ಅರವತ್ನಾಲ್ಕು ವಿದ್ಯೆಗಳು

೧	ವೇದ	೩೩	ಜಲಸ್ತಂಭ
೨	ವೇದಾಂಗ	೩೪	ವಾಯುಸ್ತಂಭ
೩	ಇತಿಹಾಸ	೩೫	ಖಡ್ಗಸ್ತಂಭ
೪	ಆಗಮ	೩೬	ವಶ್ಯಾ
೫	ನ್ಯಾಯ	೩೭	ಆಕರ್ಷಣ
೬	ಕಾವ್ಯ	೩೮	ಮೋಹನ
೭	ಅಲಂಕಾರ	೩೯	ವಿದ್ವೇಷಣ
೮	ನಾಟಕ	೪೦	ಉಚ್ಚಾಟನ
೯	ಗಾನ	೪೧	ಮಾರಣ
೧೦	ಕವಿತ್ವ	೪೨	ಕಾಲವಂಚನ
೧೧	ಕಾಮಶಾಸ್ತ್ರ	೪೩	ವಾಣಿಜ್ಯ
೧೨	ದೂತನೈಪುಣ್ಯ	೪೪	ಪಶುಪಾಲನ
೧೩	ದೇಶ ಭಾಷಾ ಜ್ಞಾನ	೪೫	ಕೃಷಿ
೧೪	ಲಿಪಿ ಕರ್ಮ	೪೬	ಸಮಶರ್ಮ
೧೫	ವಾಚ	೪೭	ಲಾವುಕಯುದ್ಧ
೧೬	ಸಮಸ್ತಾವಧಾನ	೪೮	ಮೃಗಯಾ
೧೭	ಸ್ವರಪರೀಕ್ಷಾ	೪೯	ಪುತಿಕೌಶಲ
೧೮	ಶಾಸ್ತ್ರಪರೀಕ್ಷಾ	೫೦	ದೃಶ್ಯಶರಣಿ
೧೯	ಶಕುನಪರೀಕ್ಷಾ	೫೧	ದ್ಯೂತಕರಣಿ
೨೦	ಸಾಮುದ್ರಿಕಪರೀಕ್ಷಾ	೫೨	ಚಿತ್ರಲೋಹ, ಪಾರ್ಷಾಮೃತ್,ದಾರು ವೇಣು ಚರ್ಮ ಅಂಬರ ಕ್ರಿಯೆ
೨೧	ರತ್ನಪರೀಕ್ಷಾ	೫೩	ಚೌರ್ಯ
೨೨	ಸ್ವರ್ಣಪರೀಕ್ಷಾ	೫೪	ಔಷಧಸಿದ್ಧಿ
೨೩	ಗಜಲಕ್ಷಣ	೫೫	ಮಂತ್ರಸಿದ್ಧಿ
೨೪	ಅಶ್ವಲಕ್ಷಣ	೫೬	ಸ್ವರವಂಚನಾ
೨೫	ಮಲ್ಲವಿದ್ಯಾ	೫೭	ದೃಷ್ಟಿವಂಚನಾ
೨೬	ಪಾಕಕರ್ಮ	೫೮	ಅಂಜನ
೨೭	ದೋಹಳ	೫೯	ಜಲಪ್ಲವನ
೨೮	ಗಂಧವಾದ	೬೦	ವಾಕ್ ಸಿದ್ಧಿ
೨೯	ಧಾತುವಾದ	೬೧	ಘಟಿಕಾ ಸಿದ್ಧಿ
೩೦	ಖನಿವಾದ	೬೨	ಪಾದುಕಾ ಸಿದ್ಧಿ
೩೧	ರಸವಾದ	೬೩	ಇಂದ್ರ ಜಾಲ
೩೨	ಅಗ್ನಿಸ್ತಂಭ	೬೪	ಮಹೇಂದ್ರ ಜಾಲ

ದೇಗುಲ ದರ್ಶನ

ಕರ್ನಾಟಕದಲ್ಲಿ ನೂರಾರು ದೇವಸ್ಥಾನಗಳಿವೆ. ಅಲ್ಲಿಗೆ ಭೇಟಿ ನೀಡುವ ಬಯಕೆ ಹಲವರಿಗಿರಬಹುದು. ಯಾವ ದೇವಸ್ಥಾನ ಎಲ್ಲಿದೆ? ಯಾವ ದೇವರ ಬಗ್ಗೆ ದೇವಸ್ಥಾನ ಎಲ್ಲಿದೆ? ಯಾವ ಜಿಲ್ಲೆಯಲ್ಲಿ ಯಾವ ದೇವರ ದೇವಸ್ಥಾನ ಇದೆ? ಈ ದೇವಸ್ಥಾನಗಳಿಗೆ ಹೋಗುವುದು ಹೇಗೆ? ಹತ್ತಿರದ ಬಸ್, ರೈಲು, ವಿಮಾನ ನಿಲ್ದಾಣ ಎಲ್ಲಿವೆ? ಈ ರೀತಿಯ ಹಲವು ಮಾಹಿತಿ ನೀಡುವ ಜಾಲತಾಣ karnatakatemples.com. ಬಹುಶಃ ಕನ್ನಡ ಗೊತ್ತಿಲ್ಲದ ಹೊರ ರಾಜ್ಯ ಮತ್ತು ವಿದೇಶದ ಪ್ರವಾಸಿಗಳನ್ನು ಉದ್ದೇಶಿಸಿ ಈ ಜಾಲತಾಣದಲ್ಲಿಯ ವಿವರಗಳು ಇಂಗ್ಲೀಶಿನಲ್ಲಿವೆ. ಇದೇ ಮಾದರಿಯ ಆದರೆ ಎಲ್ಲ ಮಾಹಿತಿಗಳು ಕನ್ನಡದಲ್ಲಿರುವ ಜಾಲತಾಣ ourtemples.in.

ಆಟೋರಿಕ್ಷ ದೂರುತಾಣ

ಆಟೋರಿಕ್ಷಗಳ ಕಿರಿಕಿರಿ ಯಾರಿಗೆ ಅನುಭವವಾಗಿಲ್ಲ? ಹೇಳಿದ ಜಾಗಕ್ಕೆ ಬರುವುದಿಲ್ಲ, ಮೀಟರ್ ಹಾಕುವುದಿಲ್ಲ, ಹಾಕಿದರೂ ಮೀಟರಿಗೆ ಎರಡು ಪಾಲು ಹಣ ಕೇಳುವುದು -ಹೀಗೆ ಹಲವಾರು ರೀತಿಯಲ್ಲಿ ನಾಗರಿಕರಿಗೆ ತೊಂದರೆ ಕೊಡುವ ಆಟೋರಿಕ್ಷ ಚಾಲಕರು ಬೇಕಾದಷ್ಟು ಮಂದಿ ಇದ್ದಾರೆ. ಪ್ರತಿ ಬಾರಿಯೂ ಸರಕಾರದ ಸೂಕ್ತ ಇಲಾಖೆಗೆ ಹೋಗಿ ದೂರು ಸಲ್ಲಿಸುವುದು ದೊಡ್ಡ ತಲೆನೋವಿನ ಕೆಲಸ. ದೂರು ಸಲ್ಲಿಸಿದರೂ ನಿಮ್ಮ ದೂರಿನ ಮೇಲೆ ಏನು ಕ್ರಮ ಕೈಗೊಂಡಿದ್ದಾರೆ ಎಂದು ತಿಳಿಯುವುದು ಹೇಗೆ? ಈ ಎಲ್ಲ ಸಮಸ್ಯೆಗಳಿಗೆ ಪರಿಹಾರವಾಗಿ ಒಂದು ಜಾಲತಾಣವಿದೆ. ಅದುವೇ auto404.org. ಈ ಜಾಲತಾಣದಲ್ಲಿ ಆಟೋರಿಕ್ಷದ ನೋಂದಣಿ ಸಂಖ್ಯೆ, ದಿನಾಂಕ, ಸ್ಥಳ, ದೂರಿನ ವಿವರ ಎಲ್ಲ ದಾಖಲಿಸಬಹುದು. ಆಗಾಗ ನೀವು ಇಲ್ಲಿಗೆ ಭೇಟಿ ನೀಡಿ ನಿಮ್ಮ ದೂರಿನ ಬಗ್ಗೆ ಏನು ಕ್ರಮ ಕೈಗೊಂಡಿದ್ದಾರೆ ಎಂದು ತಿಳಿಯಬಹುದು. ಈ ಜಾಲತಾಣಕ್ಕೆ ಸರಕಾದ ಮಾನ್ಯತೆ ಇದೆ.

"ಕಣಜ" ಅಂತರಜಾಲ ಕನ್ನಡ ಜ್ಞಾನಕೋಶ

ಕರ್ನಾಟಕ ಸರಕಾರ ಆರಂಭಿಸಿರುವ ಕನ್ನಡ ಜ್ಞಾನಕೋಶಕ್ಕೆ "ಕಣಜ" ಎಂದು ಹೆಸರಿಡಲಾಗಿದೆ.ಈ ಜ್ಞಾನಕೋಶದ ಅಂತರ್ಜಾಲ ತಾಣವನ್ನು ಈಗ ಲೋಕಾರ್ಪಣೆ ಮಾಡಲಾಗಿದ್ದು http://kanaja.in/ ವಿಳಾಸದಲ್ಲಿ ಲಭ್ಯವಿದೆ."ಕರ್ನಾಟಕ ಜ್ಞಾನ ಆಯೋಗದ ಪ್ರಯತ್ನದ ಈ ಯೋಜನೆಗೆ ಕರ್ನಾಟಕ ಸರ್ಕಾರವು ಎರಡು ಕೋಟಿ ಅನುದಾನವನ್ನು ನೀಡಿದೆ. ಕನ್ನಡ ವಿಕಿಪೀಡಿಯಾದ ತಾಣವನ್ನು ಹೊಂದಿದೆ, ಈ ತಾಣ ಪ್ರತ್ಯೇಕ ವಿನ್ಯಾಸವನ್ನು ತನ್ನದಾಗಿಸಿಕೊಂಡಿದೆ. ಯುನಿಕೋಡಿನಲ್ಲಿ ಬರಹಗಳು ಲಭ್ಯವಿರುವುದು ಪ್ಲಸ್ ಪಾಯಿಂಟ್. ಅಂತರ್ಜಾಲ ಶೋಧ ಸಾಧ್ಯವಾಗಲು, ಈ ಅಂಶ ನೆರವಾಗಲಿದೆ. ಈ ಜ್ಞಾನಕೋಶವನ್ನು ಸಮೃದ್ಧಗೊಳಿಸಲು, ಕನ್ನಡಿಗರೆಲ್ಲಾ ಕೈಗೂಡಿಸಿಬೇಕಿದೆ .ತಮ್ಮ ಬರಹಗಳನ್ನು ಈ ವಿಶ್ವಕೋಶಕ್ಕೆ ಸೇರಿಸಿ, ಇದನ್ನು ಜ್ಞಾನದ ಕಣಜವಾಗಿಸುವುದು ಅವಶ್ಯಕ. ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳಿಗೆ ವಿಶ್ವಕೋಶಕ್ಕೆ ಬರಹವನ್ನು ಸೇರಿಸುವಂತಹ ಕೆಲಸಗಳನ್ನು ನೀಡಿ, ಆ ಮೂಲಕ ವಿದ್ಯಾರ್ಥಿ ಸಮುದಾಯದ ಸಹಭಾಗಿತ್ವವನ್ನು ಪಡೆಯಲು ಪ್ರಯತ್ನಿಸಬೇಕು. ಜ್ಞಾನ ಎಂಬುವುದು ಎಲ್ಲರಲ್ಲೂ ಇದೆ, ಮತ್ತು ಜ್ಞಾನ ಎಲ್ಲರಿಗಾಗಿ ಎನ್ನುವ ಧ್ಯೇಯ ವಾಕ್ಯವನ್ನು ಹೊಂದಿದ ಕಣಜ, ಸರಕಾರದ ಬೊಕ್ಕಸವನ್ನು ಮಾತ್ರಾ ಬರಿದಾಗಿಸದೆ, ಕನ್ನಡಿಗರ ಪ್ರಯೋಜನಕ್ಕೆ ಸಿಗಲಿ. ಅತ್ತ ಜನರ ಸಹಭಾಗಿತ್ವದಿಂದ ಬೆಳೆಯುತ್ತಿರುವ ಕನ್ನಡ ವಿಕಿಪೀಡಿಯಾ ಮುಕ್ತ ವಿಶ್ವಕೋಶ, http://kn.wikipedia.org/wiki ಈಗಾಗಲೇ ೧೦,೫೪೯ ಲೇಖನಗಳನ್ನು ಕಲೆ ಹಾಕಿ ದಾಪುಗಾಲು ಹಾಕುತ್ತಿದೆ. ವಿಕಿಪೀಡಿಯಾಕ್ಕೆ ಯಾರು ಬೇಕಾದರೂ ಬರಹಗಳನ್ನು ಸೇರಿಸಲು ಅವಕಾಶವಿದೆ. ಆನ್‌ಲೈನ್‌ನಲ್ಲಿ ಇರುವಾಗ ಈ ಬರಹಗಳನ್ನು ಸೇರಿಸಬಹುದು, ಇತರರ ಬರಹಗಳನ್ನು ತಿದ್ದಬಹುದು.ಸರ್ಕಾರಿ ವಿಶ್ವಕೋಶವಾದರೋ, ಜನರಲ್ಲಿ ಬರಹಗಳನ್ನು ಬರೆದು ಕಳುಹಿಸಿ ಎಂದು ವಿನಂತಿಸುತ್ತಿದೆ! ಆನ್‌ಲೈನಿನಲ್ಲಿದ್ದು ಬರಹ ಸೇರಿಸುವ ಅವಕಾಶವನ್ನು ಸದ್ಯಕ್ಕಂತೂ ಕೊಟ್ಟಿಲ್ಲ.

ಸಿದ್ಧವಾಗಿದೆ ಇ-ಜ್ಞಾನ ಡಾಟ್ ಕಾಮ್!

ಇ-ಜ್ಞಾನ ಡಾಟ್ ಕಾಮ್‌ಗೆ ಭೇಟಿನೀಡಲು ಇಲ್ಲಿ ಕ್ಲಿಕ್ ಮಾಡಿ